இனிக்கும் பாட்டு

இனிக்கும் பாட்டு பாடுவேன்! – ‍காலை

எழுச்சிப் பாட்டு பாடுவேன்!

கனிபி ழிந்த சாற்றைப் போலக்

காதில் இனிக்கப் பாடுவேன்!

 

குயிலைப் போலப் பாடுவேன்! – சின்னக்

குருவி போலப் பாடுவேன்!

அயலில் ஓடும் அருவி போல‌,

ஆற்றைப் போலப் பாடுவேன்!

 

வண்டு போலப் பாடுவேன்! – தேன்

வண்டு போலப் பாடுவேன்!

உண்டு றங்கிக் கண்வி ழித்த‌

உடனெ ழுந்து பாடுவேன்!

 

தந்தை வாழ்த்திப் பாடுவேன்! – ஈன்ற‌

தாயை வாழ்த்திப் பாடுவேன்!

எந்த நாளும் தமிழை வாழ்த்தி

இனிக்க இனிக்கப் பாடுவேன்!

– கவிஞர் வாணிதாசன்

தங்கள் கருத்துக்களைப் பகிரலாமே

This site uses Akismet to reduce spam. Learn how your comment data is processed.