உருளை பூண்டு கார குழம்பு செய்வது எப்படி?

உருளை பூண்டு கார குழம்பு அசத்தலான சுவையில் எல்லோரையும் கவர்ந்திழுக்கும் குழம்பு ஆகும். இதனை சட்டென செய்து விடலாம்.

இதனை தயார் செய்ய நல்லெண்ணெய் பயன்படுத்தினால் சுவையை அதிகரிக்கச் செய்யும். அதேபோல் வெந்தயம் சேர்த்து இக்குழம்பை தாளிதம் செய்வதால் மணமும் சுவையும் கூடும்.

இனி சுவையான உருளை பூண்டு கார குழம்பு செய்யும் முறை பற்றிப் பார்ப்போம்.

தேவையான பொருட்கள்

உருளைக்கிழங்கு – 1 எண்ணம் (நடுத்தர அளவு)

தக்காளி – 2 எண்ணம் (நடுத்தர அளவு)

சின்ன வெங்காயம் – 50 கிராம்

வெள்ளைப்பூண்டு – 5 பற்கள் (பெரியது)

கொத்தமல்லி இலை – 1 டேபிள் ஸ்பூன் (பொடியாக நறுக்கியது)

மசாலா தயார் செய்ய

மசாலா பொடி – 1& 1/2 ஸ்பூன்

புளி – நெல்லிக்காய் அளவு

சின்ன வெங்காயம் – 3 எண்ணம்

தண்ணீர் – தேவையான அளவு

மண்டை வெல்லம் – நெல்லிக்காய் அளவு

தாளிக்க

நல்ல எண்ணெய் – 4 டேபிள் ஸ்பூன்

சீரகம் – 1/2 டீஸ்பூன்

வெந்தயம் – 1/2 டீஸ்பூன்

கடுகு – 1/2 டீஸ்பூன்

கறிவேப்பிலை – 3 கீற்று

பச்சை மிளகாய் – 1 எண்ணம் (பெரியது)

செய்முறை

உருளை கிழங்கினை நன்கு கழுவி தோலுடன் 1/2 இன்ச் அளவுடைய கனசதுரமாக வெட்டி தண்ணீரில் போட்டு வைக்கவும்.

தக்காளியை அலசி விழுதாக்கிக் கொள்ளவும்.

புளியை கால் டம்ளர் தண்ணீரில் 15 நிமிடங்கள் ஊற வைத்து கரைத்து வடிகட்டிக் கொள்ளவும்.

சின்ன வெங்காயத்தை தோல் நீக்கி பொடியாக சதுரத் துண்டுகளாக வெட்டவும்.

வெள்ளைப் பூண்டினை தோலுரித்துக் கொள்ளவும்.

கறிவேப்பிலையை அலசி உருவிக் கொள்ளவும்.

மிக்ஸியில் மசாலா பொடி மற்றும் சின்ன வெங்காயம் சேர்த்து லேசாக அரைத்துக் கொள்ளவும்.

மசாலா பொடி, சின்ன வெங்காயம் சேர்த்ததும் — மசாலா பொடி மற்றும் சின்ன வெங்காயம் சேர்த்ததும்

அதனுடன் கரைத்து வைத்துள்ள புளித் தண்ணீர் சேர்த்து லேசாக சுற்றி எடுத்துக் கொள்ளவும்.

வாயகன்ற பாத்திரத்தை அடுப்பில் வைத்து அதில் நல்லெண்ணெய் ஊற்றி காய்ந்ததும் சீரகம், கடுகு, வெந்தயம், கறிவேப்பிலை மற்றும் பச்சை மிளகாய் சேர்த்து தாளிதம் செய்யவும்.