உலகின் பசுமையான நாடுக‌ள் – 2018

உலகின் பசுமையான நாடுக‌ள் – 2018 அட்டவணை வெளியிடப்பட்டுள்ளது. சுவிட்சர்லாந்து இதில் முதலிடத்தில் உள்ளது.

180 நாடுகளில் சுற்றுசூழல் சுகாதாரம் மற்றும் சூழல்மண்டலத்தின் வளம் உள்ளடக்கிய 10 வகைகளில் 24 செயல்திறன் குறிகாட்டல்களை மதிப்பீடு செய்து சுற்றுச்சூழல் செயல்திறன் அட்டவணை வெளியிடப்பட்டுள்ளது.

ஐக்கியநாடுகள் சபையின் 2015-ஆம்ஆண்டின் நிலையான அபிவிருத்தி இலக்குகள், பாரிஸ் காலநிலை ஒப்பந்தம் ஆகியவற்றில் கூறப்பட்டுள்ள சுற்றுச்சூழல் கொள்கை இலக்குகளை நாடுகள் எவ்வாறு செயல்படுத்தியுள்ளன என்பதை அறிந்துகொள்வதே இதனுடைய நோக்கமாகும்.

உலகின் பசுமையான நாடுக‌ள் பற்றி சுற்றுச்சூழல் செயல்திறன் பட்டியல் தயார் செய்ய கீழ்காணும் 10 வகைகள் கணக்கில் கொள்ளப்பட்டுள்ளன.

1. காற்றின் தன்மை

2. தண்ணீர் மற்றும் சுகாதாரம்

3. கன உலோகங்கள்

4. பல்லுயிர் மற்றும் வாழிடம்

5. காடுகள்

6. மீன்வளம்

7. காலநிலை மற்றும் ஆற்றல் வளங்கள்

8. காற்று மாசுபாடு

9. நீர்வள ஆதாரங்கள்

10. வேளாண்மை

சுற்றுச்சூழல் செயல்திறன் பட்டியல் 2018 – முக்கிய அம்சங்கள்

இப்பட்டியலில் சுவிட்சர்லாந்து 87.42 சுற்றுசூழல் செயல்திறன் குறியீட்டு எண்ணினைப் பெற்று பட்டியலில் முதலிடத்தைப் பெற்றுள்ளது.

பிரான்ஸ் (83.95), டென்மார்க் (81.60), மால்டா(80.9), ஸ்வீடன்(80.51) ஆகிய நாடுகள் இப்பட்டியலில் முதல் ஐந்து இடங்களில் இடம் பிடித்துள்ளன.

இப்பட்டியலில் நேபாளம்(31.44), இந்தியா(30.57), டெம் குடியரசு காங்கோ (30.41), வங்காளதேசம்(29.56), புருண்டி(27.43) ஆகியவை கடைசி ஐந்து இடங்களைப் பெற்றுள்ளன.

இன்றைக்கு காற்றின் தரமானது உயிரினங்களின் வாழ்க்கையை கேள்விக்குறியாக்கியுள்ளது. காற்று மாசுபாடு நகர்ப்புற தொழில்மயமான இந்தியா, சீனா போன்ற நாடுகளில் கடுமையாக உள்ளது.

2014-ல் வைக்கப்பட்ட கடல் மற்றும் நிலவாழிடங்களின் பாதுகாப்பிற்கான சர்வதேச இலக்குகள் தற்போது தாண்டப்பட்டுள்ளன.

60 சதவீத நாடுகளில் கார்பன்-டை-ஆக்ஸைடின் தீவிரம் குறைந்துள்ளது. 85 முதல் 90 சதவீத நாடுகள் மீதேன், நைட்ரஸ் ஆக்ஸைடு, கருப்பு கார்பன் ஆகியவற்றின் தீவிரம் குறைத்துள்ளது.

உலகின் பசுமையான நாடுக‌ள் பட்டியல்

உலகின் பசுமையான நாடுகள் 2019 பட்டியலிலாவது இந்தியா முன்னேறுகின்றதா எனப் பார்ப்போம்.