மிளகு வடை செய்வது எப்படி?

மிளகு வடை மிளகு, உளுந்து ஆகியவற்றைக் கொண்டு செய்யப்படுகிறது. இந்த வடை பெருமாள் கோவில்களில் பிரசாதமாக வழங்கப்படுகிறது.

மிளகு வடை உடலுக்கு மிகவும் நல்லது.

மிளகு வடைகளையே கோர்த்து வடை மாலையாக, ஆஞ்சநேயருக்கு சாற்றுகின்றனர்.

இந்த வடையை தயார் செய்து, இரண்டு நாட்கள் வரை வைத்திருந்து உண்ணலாம் என்பது கூடுதலான செய்தி.

உளுந்து வடைக்கு சேர்க்கும் சின்ன வெங்காயம், பச்சை மிளகாய், கறிவேப்பிலை ஆகியவை இதில் சேர்க்கப்படுவதில்லை.

இனி சுவையான மிளகு வடை செய்முறை பற்றிப் பார்ப்போம்.

 

தேவையான பொருட்கள்

உளுந்தம் பருப்பு – 200 கிராம்

அரிசி மாவு – 1 டேபிள் ஸ்பூன்

மிளகு – 2 டேபிள் ஸ்பூன்

சீரகம் – 1/2 டேபிள் ஸ்பூன்

பெருங்காயப் பொடி – சிறிதளவு

நல்ல எண்ணெய் – 1 டேபிள் ஸ்பூன்

உப்பு – தேவையான அளவு

கடலை எண்ணெய் – பொரிக்கத் தேவையான அளவு

 

மிளகு வடை செய்முறை

உளுந்தம் பருப்பை முதலில் கழுவி அரை மணி நேரம் ஊற வைக்கவும்.

 

 

பின்னர் வடிகட்டில் உளுந்தம் பருப்பைச் சேர்த்து, தண்ணீர் முழுவதையும் ஒட்ட வடிகட்டவும்.

 

 

உளுந்தம் பருப்புடன் தேவையான உப்பினைச் சேர்த்து, தண்ணீர் சேர்க்கமால் கொர கொரவென அரைத்துக் கொள்ளவும். அதாவது உளுந்தம் பருப்பினை 70 சதவீதம் அரைத்தால் போதுமானது.

 

 

 

 

மிளகு, சீரகத்தை தனித்தனியாக தண்ணீர் சேர்க்காமல், கொர கொரப்பாக அரைத்துக் கொள்ளவும்.

 

 

 

 

ஒரு பாத்திரத்தில் அரைத்த உளுந்த மாவு, பொடித்த மிளகுப் பொடி, சீரகப் பொடி, அசிரி மாவு, பெருங்காயப் பொடி ஆகியவற்றை சேர்த்து ஒரு சேர பிசையவும்.

 

 

1 டேபிள் ஸ்பூன் நல்ல எண்ணெயை பிசைந்த உளுந்து கலவையில் சேர்த்து, நன்கு ஒருசேர பிசைந்து கொள்ளவும்.

 

 

 

 

உளுந்த மாவுக் கலவையிலிருந்து சிறிய எலுமிச்சையளவு மாவினை எடுத்து, உருண்டையாக உருட்டவும். இவ்வாறு எல்லா மாவினையும் சிறுஉருண்டைகளாக உருட்டிக் கொள்ளவும்.

 

 

வாணலியில் கடலை எண்ணெய் ஊற்றிக் காய விடவும்.

சதுர வடிவ வாழையிலை அல்லது பிளாஸ்டிக் கவரில் எண்ணெயைத் தடவிக் கொள்ளவும்.

 

 

அதில் உருட்டிய சிறிய உருண்டையை வைத்து வடையாகத் தட்டவும்.

 

 

வடையாக விரித்ததும் நடுவில் சிறுதுளையை இடவும்.

 

 

வடையாக விரித்த மாவினை காய்ந்த எண்ணெயில் போடவும்.

 

 

வடையானது நிறம் மாற ஆரம்பித்ததும், அடுப்பினை குறைத்து சிம்மிற்கும் சற்று கூடுதலாக வைக்கவும்.

பொன்னிறமாக இருபுறமும் வெந்ததும் வடையை வெளியே எடுக்கவும்.

 

 

இவ்வாறு எல்லா மாவினையும் வடைகளாகச் சுட்டு எடுக்கவும்.

சுவையான மிளகுவடை தயார்.

 

 

இந்த வடை பிய்க்கும் போது தட்டை போல் உடையும்.

இதனை பெரியவர் முதல் சிறியவர் வரை எல்லோரும் விரும்பி உண்பர்.

குறிப்பு

உளுந்தம் மாவினை அரைக்கும் போது, கொஞ்சம் முழு உளுந்தம் பருப்பும் கலவையில் இருக்குமாறு அரைத்துக் கொள்ளவும்.

சிறிய உருண்டையை வடையாக விரிக்கும் போது, எல்லா இடங்களிலும் மாவானது ஒரே தடிமனில் இருக்குமாறு தட்டவும்.

ஜான்சிராணி வேலாயுதம்