வானத்திலே திருவிழா
வழக்கமான ஒருவிழா
இடிஇடிக்கும் மேகங்கள்
இறங்கி வரும் தாளங்கள்
மின்னலொரு நாட்டியம்
மேடை வான மண்டபம்
தூறலொரு தோரணம்
தூய மழை காரணம்
எட்டுத் திக்கும் காற்றிலே
ஏக வெள்ளம் ஆற்றிலே
தெருவெங்கும் வெள்ளமே
திண்ணையோரம் செல்லுமே
தவளை கூட பாடுமே
தண்ணீரிலே ஆடுமே
அகன்ற வெளி வேடிக்கை
ஆண்டு தோறும் வாடிக்கை
– பொன். செல்வகணபதி
சிறப்பு சிறப்பு. சிறுவர் பாடல்கள் இந்த அளவிலேனும் தொடர்ந்த படைக்கப்பட வேண்டும். அதை பெரியோரும் ஆசிரியரும் குழந்தைகளிடையே கொண்டு சேர்க்க வேண்டும். நன்று.