நீங்கள் எந்த வேலையில் இருந்தாலும் உங்கள் உயர்வுக்கான வழி இதுதான்.
முதலில் உங்களுக்குத் தன்னம்பிக்கை வேண்டும். உங்கள் வேலையை உங்களால் சிறப்பாகச் செய்ய முடியும் என்று நம்புங்கள்.
உங்கள் வேலைக்குத் தேவையான திறமைகளை வளர்த்துக் கொள்ளுங்கள்.
சிறப்பாகத் திட்டமிட்டுச் செயல்படுங்கள்.
மற்றவர்களிடம் இனிமையாகப் பழகவும், அவர்களை சிறப்பாக வழி நடத்தவும் கற்றுக் கொள்ளுங்கள்.
நேரத்தை வீணாக்காமல் பயனுள்ள வழிகளில் செலவழியுங்கள். கையில் இருக்கும் வேலைகளுக்கு அவற்றின் முக்கியத்துவத்தின் அடிப்படையில் முன்னுரிமை கொடுத்துச் செயல்படுங்கள்.
கடின உழைப்பை வெளிப்படுத்தத் தயங்காதீர்கள். ஓயாத வேலை தீராத சோர்வு என்று ஆகாத வண்ணம் உழைப்பையும் ஓய்வையும் அமைத்துக் கொள்ளுங்கள்.
வேலை செய்யும் போது முழுக் கவனமும் வேலையில் இருக்கும் வண்ணம் பார்த்துக் கொள்ளுங்கள்.
நேர்மையாக இருங்கள். நேர் வழியில் சென்றால் தூரம் அதிகம் என்றாலும் அந்த வழியில் நீங்கள் வெற்றி பெற்றால் மற்றவர்களுக்கு முன்னுதாரணம் ஆகிவிடுவீர்கள்.
மேலே சொன்ன வழிகளைப் பின்பற்றுங்கள். உங்கள் வேலை மட்டுமல்ல வாழ்வும் சிறக்கும்.