எழுதி வைத்ததை வாசிக்கின்றேன் – அந்த
எழுத்துக்கள் ஒளிவிட நேசிக்கின்றேன்
பழுதில்லா வார்த்தைகள் சுமக்கிறேன் – காதல்
பாவை அவள் மடி துயில்கிறேன்
மெழுகென உருகிடும் வார்த்தைகள் – அதில்
மெல்ல உருகியே கரைகிறேன்
தழுவிடும் தாய்மடி போலவே – கவிதை
தேவதை அவள் மடி துயில்கிறேன்
பொழுதுகள் போவதை மறக்கின்றேன் – பெரும்
போதையில் நானும் மிதக்கிறேன்
எழுகின்ற பாடலின் நடையிலே – வார்த்தை
நடனத்தை கண்டு மகிழ்கிறேன்
கழுகென விண்ணிலே பறக்கின்றேன் – கவிதை
கனலினில் விறகென எரிகிறேன்
விழுகின்ற சூரிய ஒளியிலே
வெடித்திடும் பாடலாய் சிதறுகின்றேன்
கைபேசி: 9865802942