மழைத்துளி ஒவ்வொன்றும் மருந்தாகும் – என
மக்கள் எண்ணிடல் நலமாகும்
பிழைத்திடும் உயிர்கள் யாவர்க்கும் – இங்கு
பெரும் பயன் இதனால் உண்டாகும்
உழைத்திட செல்வமும் சேர்ந்திடலாம் – அது
உயர்ந்தநல் வாழ்வையும் கொடுத்திடலாம்
தழைத்திடும் தாவரம் வளர்த்திடுமா? – அது
தந்திடும் உணவினைக் கொடுத்திடுமா?
நிலத்தடி நீரினை நாம் உறிஞ்ச – இந்த
நிலமும் குலுங்கி அழுதிடுதே!
குலுங்கியே நிலமகள் தரும் துயரை – இங்கு
குவிந்துள்ள செல்வம் தடுத்திடுமா?
துளித்துளி யாய்விழும் மழைத்துளியை – இங்கு
துவண்டுள்ள நிலத்திற்கு கொடுத்திடவே
அளித்திடும் அது நமக்கு – இனி
அனைவரும் சேர்ப்போம் மழை நீர்
– இராசபாளையம் முருகேசன் (கைபேசி: 9865802942)