மைதா பணியாரம் செய்வது எப்படி?

Maida Paniyaram

தேவையான பொருட்கள்

மைதா மாவு : 2 கப்
வாழைப்பழம் : 1
சீனி : 1 கப்
எண்ணெய் : தேவையான அளவு

 

செய்முறை

எல்லாச் சாமன்களையும் சிறிது நீர் சேர்த்து இளக்கமாய்ப் பிசைந்து ¼ மணி நேரம் ஊற வைத்து விட வேண்டும். வாணலியில் எண்ணெயையை காய வைத்து ஒரு குழிக்கரண்டி மாவை ஊற்ற வேண்டும். பணியாரம் எழும்பியவுடன் திருப்பிப்போட்டு வெந்தது பார்த்து எடுக்க வேண்டும். சுவையான மைதா பணியாரம் ரெடி!

விரும்பினால் 1 மேஜைக்கரண்டி ரவை சேர்த்து வாழைப்பழம் போடாமலும் சுடலாம்.

 

பால் பணியாரம் செய்வது எப்படி?

Paal Paniyaram

தேவையான பொருட்கள்

பச்சரிசி : 100 கிராம்
உளுந்து : 75 கிராம்
பசும்பால் : 200 கிராம்
தேங்காய் பால் : ஒரு டம்ளர்
சர்க்கரை : 100 கிராம்
ஏலக்காய் பொடி : சிறிதளவு
பொரிக்க எண்ணெய் : தேவையான அளவு

 

செய்முறை

பச்சரிசியையும், உளுந்தையும் ஐந்து மணி நேரம் ஊற வைத்து கிரைண்டரில் ஒரே சமயத்தில் போட்டு மை மாதிரி அரைக்கவும். இந்த மாவை சுண்டைக்காய் சைஸாக கிள்ளி எண்ணெயில் போட்டு பொறித்து எடுக்கவும். வெள்ளை நியமாக பொறித்து எடுக்கவும்.

பொறித்து எடுத்த உருண்டைகளைக் கொதிக்கிற வெந்நீரில் போட்டு, உடனே எடுத்து தயாராக வைத்திருக்கும் பாலில் போடவும், சுவையான பால் பணியாரம் ரெடி!

பால் செய்முறை

பசும் பாலைக் காய்ச்சி, இறக்குகிற சமயம் கடைசியாக தேங்காய்ப் பால் சேர்த்து இறக்கவும். அதில் சர்க்கரை, ஏலப்பொடி சேர்க்கவும்.

 

பஜ்ஜி செய்வது எப்படி?

bajji

தேவையான பொருட்கள்

பச்சரிசி : 400 கிராம்
உளுந்தம் பருப்பு : 100 கிராம்
உப்பு : தேவையான அளவு
வற்றல் : 4
காயம் : சிறிதளவு
பஜ்ஜிப்பொடி : 1 சிட்டிகை

 

செய்முறை

அரிசியையும் பருப்பையும் தனித்தனியாக நனைய வைக்கவும். அரைமணி நேரம் நனைந்த பின் பருப்பை இட்லிக்கு ஆட்டுவது போல் நன்றாக ஆட்டி எடுக்கவும்.

பின் அரிசியை ஆட்டும் போது வற்றல், காயம், உப்பு சேர்த்து நன்றாக ஆட்டி பஜ்ஜி பொடியையும், உளுந்துமாவையும் சேர்த்து நன்றாகக் கலக்கவும். மாவு அதிகம் கெட்டியாக இல்லாமலும், இளக்கமாக இல்லாமலும் இருக்க வேண்டும்.

வாணலியில் எண்ணெயைக் காயவைத்து, பின் வாழைக்காய், கத்தரிக்காய், உருளைக்கிழங்கு, பெரிய வெங்காயம், குடை மிளகாய், அப்பளம், பிரியப்பட்டதை வாழைக்காய் சீவும் உதவியால் வெட்டி மாவில் தோய்த்து, காயும் எண்ணெயில் சுட்டு இரண்டு பக்கமும் சிவந்ததும் எடுக்கவும்.

பஜ்ஜி மெதுவாக இல்லாவிட்டால் ஒரு சிட்டிகை சோடா உப்பு சேர்த்துக் கொள்ளலாம். ரொட்டியையும் பஜ்ஜி மாவில் தோய்த்து ரொட்டி பஜ்ஜி சுடலாம்.

 

கார வடை செய்வது எப்படி?

Kara Vadai

தேவையான பொருட்கள்

பச்சரிசி : 400 கிராம்
உளுந்தம் பருப்பு : 100 கிராம்
புழுங்கலரிசி : 25 கிராம்
வற்றல் : 3
உப்பு : தேவையான அளவு
கடலை எண்ணெய் : தேவையான அளவு
பெருங்காயம் : தேவையான அளவு
(கலர் வேண்டுமாயின் பஜ்ஜிப் பொடி சேர்க்கவும்)

 

செய்முறை

அரிசி இரண்டையும் ஒன்றாக நனைய வைக்கவும். உளுந்தை தனியாக நனைய வைக்கவும். அரிசியுடன் வற்றல், காயம், உப்பு சேர்த்து ஆட்டி வைக்கவும்.

எண்ணெயை காய வைத்து குழிவான கரண்டியால் மாவை ஊற்றி சிவந்ததும் எடுக்கவும். சுவையான கார வடை தயார்.

விரும்பினால் பொடியாக நறுக்கிய வெங்காயம், மல்லிச்செடி கருவேப்பிலை கலந்து சுடலாம்.