ஆம வடை செய்வது எப்படி?

Aama Vadai

தேவையான பொருட்கள்

கடலை பருப்பு : 250 கிராம்
சின்ன வெங்காயம் : 50 கிராம்
பச்சைமிளகாய் : 6
உப்பு : தேவையான அளவு
இஞ்சி, கருவேப்பிலை, மல்லிச்செடி, தட்டிய மிளகு சிறிதளவு

 

செய்முறை

கடலைப்பருப்பை குறைந்தது மூன்று மணி நேரம் நனைய வைத்துக் களைந்து ஒரு வடிதட்டில் தட்டி தண்ணீரை வடிய வைக்க வேண்டும்.

பருப்புடன் தேவையான அளவு உப்பு, 1 டீஸ்பூன் பெருஞ்சீரகம், பட்டை சிறிது போட்டு தண்ணீர் சேர்க்காமல் முக்கால் பாகமாக ஆட்டி பொடியாக நறுக்கிய வெங்காயம், பச்சைமிளகாய் 6, கருவேப்பிலை, மல்லிச்செடி போட்டு வைக்க வேண்டும்.

வாணலியில் எண்ணெயைக் காய வைத்து மாவில் சிறு உருண்டையாக எடுத்து உள்ளங்கையில் வைத்து அழுத்தி எண்ணெயில் போட்டு நன்றாகச் சிவந்தவுடன் எடுக்கவும். சுவையான ஆம வடை தயார்.

கடலைப்பருப்புக்குப் பதில் பட்டாணிப் பருப்பை உபயோகித்தும் இதே மாதிரி சுடலாம்.

 

தயிர் வடை செய்வது எப்படி?

Thayir Vadai

செய்முறை

உளுந்து வடை தயார் செய்யவும். பிறகு அதை வெந்நீரில் போட்டு, உடனே எடுத்து தயிரில் போடவும்.

தயிருடன் சேர்க்க வேண்டியவை
தயிர் : 200 கிராம்
தேங்காய் : ¼ மூடி
பச்சைமிளகாய் : 3
கடுகு : 1 டீஸ்புன்
உப்பு : சிறிதளவு

தேங்காய், பச்சை மிளகாய், உப்பு முதலியவற்றை மிக்சியில் அரைத்து தயிரில் கலக்கவும். அதனுடன் கடுகு தாளித்து கொட்டவும். தயிர் வடை ரெடி.

 

உளுந்து வடை செய்வது எப்படி?

சுவையான உளுந்து வடை

உளுந்து வடை என்பது அருமையான சிற்றுண்டி ஆகும். இது சிறுவயது குழந்தைகளும் கொடுப்பதற்கு ஏற்றது.

வழிபாட்டின் போதும், பண்டிகைகளின் போதும், விருந்துகளின் போதும் இதனை செய்வது நம்முடைய பராம்பரிய வழக்கம். Continue reading “உளுந்து வடை செய்வது எப்படி?”

ஜவ்வரிசி பாயசம் செய்வது எப்படி?

Javvarishi Payasam

தேவையான பொருட்கள்

ஜவ்வரிசி : 200 கிராம்
சீனி : 300 கிராம்
தண்ணீர் : 500 மி.லி.
தேங்காய் : 2 மூடி (துருவி பால் எடுக்கவும்)
முந்திரிபருப்பு : தேவையான அளவு
ஏலக்காய் : தேவையான அளவு

 

செய்முறை

அடுப்பில் கொதிக்கும் வெந்நீர் வைத்து, அதில் ஜவ்வரிசியைப் போட்டு கைவிடாமல் கிளறவும்.

ஜவ்வரிசி வெந்ததும், வெல்லம் சேர்க்கவும். பாயசம், பாகு வாசனை வந்ததும் அடுப்பில் இருந்து இறக்கி, தேங்காய்ப் பாலை அதில் சேர்த்துக் கிளறவும்.

நெய்யில் முந்தரி, ஏலக்காய் வறுத்து பாயசத்தில் போடவும். சுவையான ஜவ்வரிசி பாயசம் தயார். சூடாக பரிமாறவும்.

 

ரவா கேசரி செய்வது எப்படி?

Rava Kesari

தேவையான பொருட்கள்

ரவை : 200 கிராம்

சர்க்கரை : 200 கிராம்

தண்ணீர் : 400 மி.லி.

நெய் : தேவையான அளவு

முந்திரி பருப்பு :  தேவையான அளவு (தோராயமாக‌ 10)

ஏலக்காய் : தேவையான அளவு (தோராயமாக‌ 4)

கேசரி பவுடர் : சிறிதளவு Continue reading “ரவா கேசரி செய்வது எப்படி?”