உணவு கலப்படம் – கண்டறிவது எப்படி?

ஒரு கண்ணாடி டம்ளரில் தண்ணீரை ஊற்றி அதில் காபித் தூளைத் தூவ வேண்டும்.

காபித் தூள் மேலே மிதக்கும். சிக்கிரித் தூள் நீரின் அடியில் தங்கி விடும்.

ஒரு கண்ணாடி டம்ளரில் தண்ணீரை ஊற்றி அதனுடன் மிளகாய்த் தூளைச் சேர்த்து கலக்கும் போது,

நீரின் நிறம் மாறினால் அதில் செங்கல் பொடி கலந்துள்ளது என்பதை அறியலாம்.

ஓரு கிண்ணத்தில் தேங்காய் எண்ணெய் ஊற்றி குளிர்சாதன பெட்டியில் 30 நிமிடம் வைக்கவும். அதன்பின் எடுத்துப் பார்க்கும் போது முழுவதும் உறைந்து இருந்தால் சுத்தமான தேங்காய் எண்ணெய் எனவும்,

உறையவில்லை எனில் பிற எண்ணெய்கள் கலந்து உள்ளது எனவும் அறியலாம்.

ஐஸ்கிரீமில் எலுமிச்சைச் சாற்றினை ஊற்றும் போது,

நுரைத்து பொங்கினால் சோப்புத் தூள் கலந்து உள்ளது என்பதை அறியலாம்.

மூடியுள்ள ஒரு கண்ணாடிக் சீசாவில் நெய்யினை உருக்கி ஊற்றி, ஒரு சிட்டிகை சர்க்கரை கலந்து, சீசாவை மூடி குலுக்கவும்.

5 நிமிடம் கழித்து பார்க்கும் போது சிவப்பு நிறமாக மாற்றம் அடைந்தால் தாவர எண்ணெய் கலந்து உள்ளதை அறியலாம்.

ஒரு கண்ணாடி டம்ளரில் நீரினை எடுத்து சர்க்கரையை போடும் போது தூய்மையான சர்க்கரை நீரில் அடியில் படிந்து விடும்.

சுண்ணாம்புத் தூள் நீரின் மேல் மிதக்கும்.

ஓரு தேக்கரண்டி தேனை எடுத்து அதனுடன் சிறிது நீரும் 2 அல்லது 3 துளி வினிகரும் சேர்த்து கலக்கும் போது,

நுரை வந்தால் கலப்படம் என அறியவும்.

ஒரு கண்ணாடி டம்ளரில் தண்ணீரை எடுத்து அதனுடன் சீரகம் மற்றும் மல்லித்தூளினைப் போடும் போது அவை அடியில் படிந்து விடும்.

உமி, மரத்தூள் தண்ணீரில் மிதக்கும்.

ஒரு கிண்ணத்தில் பட்டாணியை போட்டு மூழ்கும் வரை நீர் ஊற்றி 30 நிமிடம் வைக்கவும்.

அந்நீரானது பச்சை நிறமாக மாறினால் நிறமி சேர்க்கப்பட்டுள்ளதை அறியலாம்.

ஒரு உருளைக்கிழங்கினை பாதியாக வெட்டி அதில் உப்பினை தூவி, ஒரு நிமிடம் கழித்து இரண்டு துளி எலுமிச்சை சாற்றினை விடும்போது,

நீலநிறமாக மாறினால் அயோடின் இருப்பதை அறியலாம்.