லஞ்சம்

அங்கேயும் இங்கேயும் அலையுது–லஞ்சம்

ஆட்டிப் படைச்சி சிரிக்குது

பிஞ்சுல வெம்பிய பழத்தைப் போல

பலனில் லாமலே இருக்குது

 

கல்வியைக் கூடகாசுக் கென்றே

கச்சிதமாக விலை பேசுது

சொல்லிட முடியா துயரம் என்றே

தொடர்ந்து நம்மை விரட்டுது

 

இல்லாத சட்டம் பேசுது – உண்மை

இல்லை என்றே அது கூறுது

வில்லை உடைச்ச ராமனைக் – கூட

விலைக்கு பேச வைக்குது

 

பல்வேறு வடிவம் தாங்குது–நோயென

பரவி எங்கும் தழைக்குது

இல்லாத மக்களின் வாழ்வைத் – தினமும்

இரக்க மின்றியே அழிக்குது.

– இராசபாளையம் முருகேசன் (கைபேசி: 9865802942)

 

தங்கள் கருத்துக்களைப் பகிரலாமே

This site uses Akismet to reduce spam. Learn how your comment data is processed.