எதை செய்வதென்று குழம்பாதே! – அதுதான்
தள்ளிப் போடும் பழக்கத்தின் ஆரம்பப் புள்ளி
சரியான முடிவெடு – அதற்காக
சிறப்பான திட்டமிடு
தினம்தினம் உன்னை சுறுசுறுப்பாக்கு
திட்டமிட்ட செயல்களை முடித்துவிடு – அது
உனது தன்னம்பிக்கையைக் கூட்டும்!
திட்டமிட்டபடி முடியவில்லையா? தளராதே!
தினமொரு கால அட்டவணையை உருவாக்கு
அன்றைய செயல்களை நிறைவாக்கு
திட்டமிட்டபடி நடந்ததைப் போல
கற்பனையில் காட்சிகளை ஓடவிடு
உனக்குள் பிறக்கும் புதுசக்தி – அது
உன்னை செயல்பட வைக்கும்!
திட்டமிட்ட பாதையிலே பயணி-அதற்கு
உன் மனதை பழக்கப்படுத்து
பழக்கமே வழக்கமாகி விட்டால் வேலையில்
இருக்காது சுணக்கம் – நாளும்
தள்ளிப்போடும் பழக்கத்தை விட்டு விடு
தினமும் சுறுசுறுப்பாய் இருந்துவிடு!
இரா.முத்துக்கருப்பன்
கீரனூர்
தூத்துக்குடிமாவட்டம்
தங்கள் கருத்துக்களைப் பகிரலாமே!